કેનેડામાં ૭.૭૦ કરોડ વર્ષ જૂનાં ડાઇનોસોરનાં અવશેષ મળી આવ્યાં

ટોરોન્ટો, 23 મે

૭.૭૦ કરોડ વર્ષ પહેલાં પૃથ્વી પર વસતાં મનાતાં અને ઝડપી દોડનારા(ક્વિક-ફૂટેડ)વનસ્પત્યાહારી ડાઇનોસોરનાં અવશેષ કેનેડામાંથી મળી આવ્યાં છે જેનો અંશતઃ પાછલો પગ અને ખોપરીનાં અવશેષો પરથી તેની અલ્બર્ટાડ્રોમસ સિન્ટારસસ તરીકે ઓળખ થઇ છે જે ઝડપી દોડનારાં પ્રાણીને દર્શાવે છે. અંદાજે ૧.૬ મીટર લાંબા અને ૧૬ કિલોનો વજન ધરાવતાં હશે તેવાં ડાઇનોસોરની સરખામણી તુર્કીના મોટા અલ્બર્ટાડ્રોમસ જે અગાઉના ક્રેટાસિયસ(હાલના દક્ષિણ અલ્બર્ટા)માં ૭.૭૦ કરોડ વર્ષ પહેલાં રહેતાં હતાં તેની સાથે થાય છે, તેના ઘણા મોટા પિતરાઇ ડાઇનોસોરની સરખામણીએ આ ડાઇનોસોર ઘણાં જ નાનાં અને વનસ્પતિ ખાતાં ડકબિલ્ડ ડાઇનોસોર હતાં, તે સમયે ઘણા શિકાર કરનારા જંગલી પ્રાણીઓથી તેઓને બચવા માટે તેમની દોડવાની સ્પીડ તેને મદદરૃપ બનતી હતી તેવું સંશોધકોનું માનવું છે, તેના નીચા પગનાં હાડકાંએ તેને ઝડપી અને ચપળ બે પગથી દોડનાર પ્રાણી બનાવ્યું હતું.

ડાઇનોસોરને સામાન્ય રીતે કદાવર અને વિકરાળ પ્રાણી માનવામાં આવે છે પરંતુ નવું સંશોધન અગાઉ નાનાં ડાઇનોસોરની વિવિધતાને ખાસ ઉજાગર કરવામાં આવી ન હતી, તેને હાઇલાઇટ કરે છે. જર્નલ ઓફ વર્ટેબ્રેટ પાલેઓન્ટોલોજીમાં, ટોરોન્ટોની યુનિર્વિસટીના અશ્મીભૂત પ્રાણી વિદ્યાવિદો, રોયલ ઓન્ટારિઓ મ્યુઝિયમ, ક્લીન્વલેન્ડ મ્યુઝિયમ ઓફ નેશનલ હિસ્ટ્રી અને યુનિર્વિસટી ઓફ કાલ્ગેરીએ નવા ડાઇનોસોર જે સૌથી નાનાં અને પ્લાન્ટ-ઇટિંગ ડાઇનોસરની જાતિ તરીકે ઓળખાતાં હતાં તેનું કેનેડામાંથી વર્ણન કર્યું છે.